Ynghylch

Mae’n bur debyg eich bod chi wedi gweld y fuwch goch gota saith smotyn sawl gwaith gan mai dyma’r fuwch goch gota fwyaf cyffredin. Mae i’w gweld mewn gerddi a pharciau – neu unrhyw le ble mae affidau i fwydo arnyn nhw. Mae’r oedolion yn gaeafgysgu mewn coesynnau planhigion gwag, gan glystyru gyda’i gilydd weithiau mewn grŵp mawr. Nid yn unig mae gennym ni fuchod coch cota saith smotyn brodorol yn y DU ond hefyd mae rhywogaeth sy’n mudo i’r DU bob gwanwyn o hinsawdd gynhesach. Mae lliwiau llachar buchod coch cota’n rhybuddio ysglyfaethwyr eu bod yn blasu’n afiach, ond bydd rhai adar yn dal i roi cynnig ar eu bwyta!